Protestuesit zhvendosen te Ministrisë së Arsimit, përballen me FNSH dhe autobotin e ujit

Protestuesit janë zhvendosur drejt Ministrisë së Arsimit, ku janë pozicionuar përpara godinës, duke bllokuar lëvizjen. Në terren janë vendosur forcat e Ndërmarrjes së Shpejtë (FNSH) dhe autoboti i ujit, ndërsa protestuesit kanë zënë rrugën përpara tij.

Gjatë protestës, disa prej pjesëmarrësve janë shfaqur me maska. Nuk kanë munguar as momentet ironike ndaj policisë, teksa protestuesit u kanë ofruar efektivëve krosantë. Protesta vijon në zonën e Ministrisë së Arsimit, ndërsa situata po monitorohet nga forcat e policisë të vendosura në terren.