"Kjo rini është guximtare" - Deklarata e pedagoges në protestën studentore: Jam tmerruar me pamjet e dhunës

Një pedagoge në protestën para Kryeministrisë ka shprehur shqetësimin e saj për dhunën policore ndaj studentëve dhe të miturve, duke deklaruar se ka parë vetë pamjet e goditjeve ndaj të rinjve. Ajo citoi se nuk ka pasur studentë të dhunshëm dhe akuzoi Policinë se i ka ndjekur protestuesit deri në banesat e tyre, duke përdorur shkopinj gome dhe gaz lotsjellës. Pedagogia ngriti gjithashtu shqetësimin për efektivët pa numra identifikues dhe emra, ndërsa u shpreh se do të vijojë të qëndrojë në protestë në mbështetje të studentëve. "Jam tmerruar me pamjet e dhunës. Kam parë me sytë e mi goditjet ndaj fëmijëve. Ata nuk njohin asgjë. Policia ka tejkaluar çdo limit. Unë nuk kam studentë të dhunshëm, s'kam parë të tillë. Studentët janë përndjekur këmbë pas këmbës, nëpër shtëpi, me shkopinj gome, me gaz lotsjellës. Jam e indinjuar me policinë, por e kam gjetur veten duke folur me veten, se janë policë pa numra dhe emra. Kemi hyrë në një epokë të re, rrugë pa kthim. Ky brez është guximtar, kokëfortë, ka të drejtën me vete. Është ndërtuar një model i ri qeverisjeje. Kam bërë një shkolle demokracie këto katër muaj. Do ta fitojmë patjetër. Do të jemi këtu deri në fund me studentët."