Investitorët individualë rumunë më pak besojnë në perspektiva ekonomike

Gati shtatë në dhjetë investitorë individualë rumunë (69%) deklaruan se nuk kanë besim në perspektiva ekonomike të Rumanisë, një rritje e lehtë krahasuar me nivelin 68% të regjistruar në fund të tremujorit të dytë të këtij viti, sipas sondazhit më të fundit Retail Investor Beat.

Sipas burimit të cituar, gjithnjë e më shumë investitorë e konsiderojnë gjendjen ekonomike të Rumanisë si rrezikun kryesor për portofolat e tyre, me një rritje prej 3 pike përqindjeje krahasuar me tremujorin e mëparshëm. Konkretisht, 25% e të anketuarve përmendin inflacionin si një nga rreziqet kryesore të jashtme për portofolat e tyre, 24% evidentuan gjendjen ekonomike rumune (përfshirë mundësinë e një recesioni), ndërsa 21% identifikuan gjendjen ekonomike globale.

Sa u përket të ardhurave dhe standardit të jetës, sondazhi tregon gjithashtu një rënje të besimit. Në tremujorin e tretë të vitit 2026, 62% e investitorëve individualë rumunë shprehën besim lidhur me të ardhurat dhe standardin e tyre të jetës, nga 63% në tremujorin e mëparshëm dhe ndjeshin më poshtë se niveli 66% i regjistruar në fund të vitit të kaluar. Ky është niveli më i ulët që nga fillimi i sondazhit, tre vjet më parë.

Sa i përket sigurisë së vendit të punës, sondazhi më i fundit tregon se besimi i të anketuarve ka mbetur i pandryshuar në nivelin 70%, gjithashtu niveli më i ulët në tre vjet, vëren burimi i cituar.

Nga ana tjetër, investitorët individualë rumunë kanë rritur besimin te portofolat e tyre të investimeve. Kështu, 77% e të anketuarve raportuan se kanë besim te portofolat e tyre, krahasuar me 73% në tremujorin e mëparshëm. Sa i përket shpërndarjes së investimeve sipas kategorive të aktiveve, 51% zotërojnë kriptoaktive, 49% aksione të kompanive vendase, 41% aksione të huaja dhe 40% obligacione vendase, ndërsa gati 72% mbajnë mijete monetare, përfshirë depozitat në llogaritë e kursimit.

Sipas studimit, në tremujorin e mëparshëm, për herë të parë në tre vjet, më pak se gjysma e investitorëve rumunë (42%) kishin kriptoaktive në portofolat e tyre, me shumë gjasa për shak të rënies së çmimit të Bitcoin. Ndërkohë, rritja e fundit e çmimit të tij mbi 80 mijë dollarë ka terhequr sërish një pjesë të investitorëve drejt tregut të kriptoaktiveve.

Shumica e të anketuarve synojnë të ruajnë ose të rrisin investimet e tyre gjatë tre muajve të ardhshëm. Kur u pyetën nëse planifikojnë të rrisin investimet gjatë kësaj periudhe, 42% e investitorëve individualë rumunë u përgjigjën pozitivisht, ndërsa 50% deklaruan se nuk do të bëjnë ndryshime. Vetëm 8% e investitorëve planifikojnë të ulin ekspozimin e tyre ndaj investimeve.

Sa u përket kategorive të aktiveve, aksionet e huaja renditen të para në preferencat e investitorëve që synojnë të rrisin investimet. Ato u përmendën nga 18% e të anketuarve, të ndjekur nga aktivet likuide, përfshirë llogaritë e kursimit (15%), kriptoaktivet (14%), aksionet e tregtuara në Bursën e Bukureshtit (13%), investimet alternative, si pasuritë e paluajtshme dhe kapitali privat (9%), si dhe monedhat e huaja (8%).

Interesi për obligacionet qeveritare ra në 6%, nga 10% në tremujorin e mëparshëm, një prirje që autorët e njoftimit e lidhin, me shumë gjasa, me pasigurinë që shoqëron deklaratat lidhur me vlerësimin e kreditit të Rumanisë.

Sipas sektorëve, teknologjia renditet e para për sa u përket synimeve për rritjen e investimeve. Kështu, 18% e investitorëve rumunë planifikojnë të rrisin investimet në sektorin e teknologjisë, të ndjekur nga energjia dhe shërbimet financiare, me nga 15% secili, shërbimet utilitare (9%) dhe pasuritë e paluajtshme (8%).

Raporti më i fundit Retail Investor Beat është bazuar në një sondazh me 11 mijë investitorë individualë në 13 vende, të shpërndara në tri kontinente. Në Rumani janë anketuar 600 investitorë. Sondazhi u zhvillua nga kompania kërkimore Opinium, gjatë periudhës 13-28 gusht 2026.

Ky është artikulli ekskluziv i Revistës Monitor, që zonë të drejtën e autoritet sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Revista Monitor” shoqëron.