Protesta e studentëve para Kryeministrisë, përplasje me policinë dhe barrikada në rrugën e bulevardit

Mëngjesin e sotëm, kryeministri Edi Rama vendosi disa karrige para Kryeministrisë, ku në secilën vendosi nga një letër me një mesazh “dialog”. Teksa ka nisur protesta, studentët kanë marshuar para Kryeministrisë dhe i kanë grisur letrat në fjalë dhe kanë rrëzuar karriget. Gjithashtu kanë patur dhe një përballje me drejtoreshën e MIA-s, Manjola Hasa. “Unë nuk jam këtu për deklarata politike, jam këtu që nëse ka studentë që duan të flasin me kryeministrin, të përcjell kërkesën e tyre. Kryeministri ka mbajtur qëndrimin e tij. Kush dëshiron dialog, janë të mirëseardhur, kryeministri është i hapur për dialog”, tha Manjola Hasa. “Jep llogari përse policia dhunon studentët pa asnjë identifikim, pastaj kërko dialog”, u shpreh një nga protestuesit kundrejt drejtoreshës së agjencisë për Media dhe Informim. Përditësimi i ngjarjeve, orë pas ore: Protestat e dhunshme, Balla pas mbledhjes së Grupit të PS-së: Gjaku i policëve është gjaku i shtetit, të miturit të mos përdoren ‘mish për top’ Pedagogët ndalen para karrigeve për dialog, grisin letrat e vëna nga Rama dhe përballen me drejtoreshën e MIA-s.