UEFA cakton arbitrin e Egnatias për ndeshjen kundër Aarhus

Arbitri kroat Ante Culina do të drejtojë ndeshjen e Egnatias kundër Aarhus në Conference League, një emër që ka shkaktuar diskutime në futbollin kroat. Culina nuk ka drejtuar më parë ndeshje të klubeve shqiptare apo të Kombëtares, por është i njohur për administrimin e disiplinës në fushë. Në tetë ndeshjet që ka arbitruar këtë sezon, Culina ka akorduar 27 kartonë të verdhë, me një mesatare prej 3.4 kartonësh për takim.

Culina është një arbitër me stemën e FIFA-s që prej vitit 2023 dhe do të ketë detyrën e drejtimit të ndeshjes evropiane të Egnatias. Emërimi i tij ka sjellë një arbitër pa histori të mëparshme me futbollin shqiptar, por me vendime që kanë nxitur debate në kampionatin kroat.