TIRANA: Protesta kundër qeverisë së Ramës vazhdon në Tiranë, me mijëra të rinj në këmbë

Situata është tensionuar sërish në Sheshin Skënderbej, ku forcat e policisë kanë rrethuar një numër të madh protestuesish që ishin grumbulluar në qendër të Tiranës. Pas ndjekjes në rrugët përeth, efektivët kanë krijuar një rrethim rreth turmës. Në momentin kur demonstruesit kanë tentuar të largohen nga sheshi, policia ka hedhur gaz lotsjellës, duke i detyruar të shpërndahen mes reve të gazit.

Ndërhynja ka ndodhur pikërisht gjatë përpjekjes së protestuesve për t'u larguar nga zona, ndërsa forcat e rendit kishin zënë pozicione përeth sheshit. Përdorimi i gazit në këto rrethana ka sjellë një tjetër përballeje mes policisë dhe demonstruesve.

Protestuesit ishin grumbulluar në Sheshin Skënderbej pasi policia i kishte shpërndarë më herët nga bulevardin "Dëshmorët e Kombit", ku gjatë mbrëmjes pati përplasje dhe ndërhynje me automjete ujëhedhëse dhe gaz lotsjellës.

Pavarësisht ndjekjes në disa akse rrugore, përfshirë Rrugën e Durrësit, një pjesë e madhe e demonstruesve ishte bashkuar sërish në sheshin qendror të kryeqytetit. Por edhe aty ata janë përballuar me ndërhynjen e forcave të rendit.

Dita e tetë e protestave nisi me grumbullime dhe marshime në disa zona të Tiranës. Tensionet u regjistruan fillimisht pranë Ministrisë së Arsimit, ku disa të rinj hodhën gurë drejt efektivëve dhe policia reagoi me ujëhedhëse dhe gaz lotsjellës.

Më pas, turma u rikthye përpara Kryeministrisë, ku për një periudhë protestuesit kercyen valle në bulevard. Qetësia u ndërpre nga përplasjet e reja, të cilat sollën shpërndarjen e demonstruesve dhe ndjekjen e tyre në rrugët e kryeqytetit.

Rrethimi i protestuesve në Sheshin Skënderbej dhe përdorimi i gazit lotsjellës në momentin kur ata po tentonin të largoheshin shënojnë zhvillimin më të fundit të mbrëmjes, ndërsa demonstratat kundër qeverisë së Edi Rameve vijojnë për të tetën ditë.

Protesta në Tiranë vijon të shoqërohet me tensione, tësa disa protestues u kanë vënë flakën tre koshave të mbeturinave në dy zona të kryeqytetit.

Dy prej koshave janë djegur në zonën e 9-katësheve, ndërsa një tjetër është përfshirë nga flakët pranë 15-katëshit. Veprimet kanë ndodhur gjatë zhvendosjes së protestuesve nëpër rrugët e qytetit, pas përplasjeve me forcat e rendit.

Ndërkohë, policia vijon ndjekjen e grupeve të protestuesve, të cilët janë shpërndarë në drejtime të ndryshme. Efektivët po lëvizin nëpër rrugët e kryeqytetit për të monitoruar situatën dhe për të ndërhynë aty ku shfaqen tensione.

Ngjarjet vijnë pas përshtallëzimit të protesteve në ditën e saj të tetë, kur gjatë marshimit nga Kryeministria drejt Ministrisë së Jashtme u shkulën kangjellat anës rrugës dhe u hodhën gurë drejt policisë.

Forcat e rendit ndërhynë me ujë me presion dhe gaz lotsjellës, ndërsa protestuesit u shpërndanë në disa grupe, duke vijuar lëvizjen në zona të ndryshme të Tiranës.

Një numër i madh protestuesish është grumbulluar mbrëmjen e kësaj të martë në Sheshin Skënderbej, ndërsa në rrugët e Tiranës vijojnë tensionet mes demonstruesve dhe forcave të policisë.

Grumbullimi në shesh vjen pas ndërhynjes së policisë në bulevardin "Dëshmorët e Kombit", ku efektivët përdorën gaz lotsjellës dhe automjete ujëhedhëse për të shpërndarë turmën që protestonte përpara Kryeministrisë.

Pas përplasjes, protestuesit u larguan në disa drejtime, ndërsa policia nisi ndjekjen e tyre në rrugët përeth qendrës së kryeqytetit. Megjithatë, një pjesë e madhe e demonstruesve është bashkuar sërish në Sheshin Skënderbej, duke vijuar protestën pavarësisht ndërhynjeve të forcave të rendit.

Gjatë mbrëmjes, përplasjet janë zhvendosur edhe në Rrugën e Durrësit, ku policia ka ndjekur grupe të protestuesve me automjete dhe ujëhedhëse. Demonstruesit janë shpërndarë disa herë, por grumbullimi i tyre në sheshin qendror tregon se protesta nuk është ndërprerë.

Situata ka ndryshuar disa herë gjatë ditës së tetë të demonstratave. Më herët, protestuesit qëndruan pranë Ministrisë së Arsimit, ku disa të rinj hodhën gurë drejt efektivëve dhe policia reagoi me ujëhedhëse dhe gaz lotsjellës.