Deputetja e PS: Policia ruajti proporcionalitetin përballë protestuesve

Deputetja e PS-së, Aulona Bylykbashi, ka komentuar në emisionin “Real Story” në ABC News reagimin e forcave të rendit gjatë protestës. Ajo tha se efektivët e policisë janë përballur me vështirësi gjatë menaxhimit të protestës, por kanë treguar kujdes për të garantuar mbarëvajtjen e saj përballë sjelljeve që ajo i cilësoi si të dhunshme. Bylykbashi vuri në fokus rolin e policisë në ruajtjen e rendit publik dhe theksoi se menaxhimi i situatave të tilla kërkon kujdes, veçanërisht kur në protestë marrin pjesë edhe të mitur. Ajo tha se forcat e rendit kanë qenë gjithë kohën aty duke menazhuar situatën dhe duke treguar një kujdes të shtuar për të ruajtur proporcionalitetin ndaj reagimit të dhunshëm që kishin protestuesit. Bylykbashi shtoi se fëmijët 15-vjeçarë që marrin pjesë në protestë nuk janë në fazën e zhvillimit të tyre intelektual që të kuptojnë pse reagojnë dhe se ata janë gëzuar se kanë lënë një orë mësimi dhe kanë shkuar në shesh për të argëtuar. Ajo tha se shumë prej tyre kanë qenë në fjalor të dhunshëm dhe se ka pasur vështirësi për policinë për të menaxhuar situatën.