Atentat në Tiranë: Qëllohet me armë një automjet, dyshohet për një viktimë

Një ngjarje e rëndësishme ka ndodhur mbrëmjen e sotme në Tiranë, ku është hapur zjarr ndaj një automjet në lëvizje në zonën e Komunës së Parisit. Sipas informacioneve paraprake, dyshohet se bëhet fjalë për një atentat, ndërsa raportohet për një viktimë, informacion që ende nuk është konfirmuar zyrtarisht.

Rrethanat e ngjarjes mbeten të paqarta, ndërsa nuk ka ende të dhënë për identitetin e personit që dyshohet se ka humbur jetën apo për autorët e mundshëm. Ngjarja nuk raportohet të ketë lidhje me protestat që po zhvillohen në kryeqytet.

Priten informacione të mëtejshme nga autoritetet për zbardhjen e plotë të rrethanave të ngjarjes.