Ronaldo humbet mundësinë për avantazh në ndeshjen e Al-Nassr

Cristiano Ronaldo ka gabuar nga pika e bardhë në ndeshjen e Al-Nassr dhe Neom SC, e vlefshme për javën e 10-të të Ligës Profesioniste të Arabisë Saudite. Në fund të pjesës së para, vendasit fituan një penallti dhe portugezi mori përsipër ekzekutimin e saj. Por Ronaldo nuk arriti ta dërgonte topin në rrjetë, duke goditur jashtë kuadratit dhe duke humbur mundësinë për t'i dhënë avantazhin skuadrës së tij. Ky është gabimi i 37-të nga pika e bardhë në karrierën e Ronaldos, një statistikë që i shtohet bilancit të gjatë të penalltive të ekzekutuara prej tij. Gabimi vjen në një ndeshje ku Al-Nassr kërkon me çdo kusht tri pikë, për të mos humbur terren në garën për kreun e kampionatit saudit.