Meloni: "Kush shkatëron, paguan" - Dekreti i ri për sigurinë në Itali

Kryeministrja italiane, Giorgia Meloni, ka njoftuar masa të reja për të luftuar dhunën gjatë protestave në Itali. Dekreti i ri për sigurinë parashikon vepra të reja penale, ashpërësim të dënimeve dhe procedurë të shpejtë për kompensimin e dëmeve.

Meloni ka deklaruar se personat që shkaktojnë dëme duhet të mbajnë përgjegjësi financiare. "Kush shkatëron, paguan. Dhe nëse ai që shkakton dëmin është i mitur, paguajnë prindërit e tij", ka thënë Meloni.

Dekreti i ri për sigurinë parashikon vepra të reja penale për pjesëmarrjen e dhunshme në manifestime. Personat që gjatë një proteste bashkohen me një grup prej të paktën pesë individësh dhe përdorin gurë, mjete piroteknike apo sende të forta, duke rrezikuar sigurinë publike, mund të përballen me dënime deri në pesë vite burg dhe gjoba deri në 20 mijë euro.

Dënimet do të ashpërsohen në rastet kur autorët mbulojnë fytyrën, shkaktojnë plagosje ose marrin pjesë në shkatërrime të organizuara në grup. Kryeministrja ka cilësuar pamjet e dhunës në qytetet italiane si papranueshme dhe ka theksuar se autoritetet duhet të kenë instrumente me të forta ligjore për të ndërhyrë.

Dekreti parashikon gjithashtu mekanizma të rinj për rikuperimin e dëmeve që shkaktohen gjatë protestave të dhunshme. Për dëmtimin e pronës publike, prefekti do të ketë mundësi të lëshojë urdhërgjësje, ndërsa për dëmet ndaj pronës private, të dëmtuarit do të mund të drejtohen gjykatës për të marrë një urdhërgjësje me ekzekutim të menjëhershëm.

Kur autorët janë të mitur, përgjegjësia financiare do të shtrihet edhe te prindërit e tyre, sipas dispozitave të paraqitura nga qeveria. Meloni ka sqaruar se familjet do të kenë të drejtën të kundërshtojnë vendimet përkatëse, por kjo nuk do ta pezullojë automatikisht detyrimin e pagesës.

Personat e dëmtuar do të mund të kërkojnë kompensim edhe përmes pasurisë familjare apo kredive që familia mund të ketë ndaj shtetit. Masat më të rrepta për të miturit dhe 500 ushtarakë shtesë në Milano.

Ndryshimet ligjore prekin drejtpërdrejt edhe të miturit e përfshirë në akte dhune. Sipas kryeministres, dekreti përshpejton hyrjen në fuqi të një dispozite që vendos prezumimin ligjor të aftësisë për të kuptuar dhe kontrolluar veprimet për personat e moshës 14 deri në 18 vjeç, duke ruajtur mundësinë e provës së kundërshtimit.

Masat e ndalimit parandalues do të shtrihen edhe te të miturit. Qeveria ka vendosur gjithashtu të dërgojë 500 ushtarakë shtesë në Milano deri në fund të vitit, si dhe të forcojë sistemin e drejtësisë për të miturit përmes shtimit të magjistratëve dhe kapaciteteve në institucionet përkatëse.

Meloni ka deklaruar se zbatimi i dënimet duhet të garantohet edhe kur autorët e veprave penale janë adoleshentë. Rreth 200 policë të plagosur dhe një milion euro dëme.

Duke iu referuar të dhënave të paraqitura nga autoritetet, Meloni ka deklaruar se përlasjet kanë shkaktuar plagosjen e afro 200 punonjësve të forcave të rendit. Vetëm në Milano, dëmet ekonomike vlerësohen në rreth një milion euro, sipas përllogaritjeve të organizatës së biznesit Confcommercio.

Kryeministrja ka thënë se policia ka ndaluar ose arrestuar 330 persona. Sipas saj, rreth gjysma e tyre kanë prejardhje të huaj, përfshirë persona të lindur jashtë Italisë dhe fëmijë të familjeve të huaja të lindur në vend.