Trump: Francë dhe Italia, nxirrni jashtë vendin ata që nxisin trazira

Presidenti i Shteteve të Bashkuara, Donald Trump, i bëri thirrje Francës dhe Italisë për të marrë masa më të ashpra kundër personave që nxisin trazira dhe kryengritje. Ai pretendoi se disa emigrantë qëndrojnë pas protestave të dhunshme dhe kërkoi largimin e tyre.

"Këta persona duhet të largohen. Janë kryengritës dhe duhet të dëbohen nga vendi", tha Trump në një bisede me gazetarët në Zyrën e Ovalit të Shtëpisë së Bardhë.

Trump u referua për Francën dhe Italinë, duke theksuar se autoritetet duhet të ndërhyjnë për të dëbuar pjesëmarrësit në trazira dhe personat që nxisin kryengritje. Ai përmendi gjithashtu Spanjën, duke kritikuar mënyrën se si autoritetet e saj trajtojnë flukset migratore.

"Shikoni edhe një herë Spanjën. Vetëm disa javë më parë, mbi 100 mijë persona hyjnë në vend brenda pak minutash. Autoritetet nuk bëjnë asgjë. Nuk e di se ku jetojnë këta njerëz. Është një situatë absurde", tha Trump.

Presidenti amerikan përfundoi qëndrimin e tij me një paralajmërim për të ardhmen e Bashkimit Evropian. "Nëse nuk marrin masa dhe nuk i largojnë këta persona, nuk do të ketë më Bashkim Evropian", tha Trump.