"Rama largohet me proteste masive, nuk ka më nevojë për dhunë"

Ish-deputeti Dashamir Shehi ka ironizuar kryeministrin Edi Rama për ftesën e tij për dialog me studentët, ndërsa protestat kundër qeverisë kanë hyrë në ditën e tretë. Shehi ka thënë se protestat kanë marrë një drejtim që shkon përtej kërkesave të universiteteve.

Shehi tha se protestat kanë marrë një drejtim që shkon përtej kërkesave të universiteteve. Ai kritikoi dhunën e ditëve të fundit, por vlerësoi se pjesëmarrja e pedagogëve dhe studentëve mund të nxise një mobilizim më të gjerë qytetar.

"Athem që në njëfarë mënyrë kjo lloj proteste do të prodhonte një lloj dhunë. Kam ndenjur te ajo protestë shumë ditë dhe kam uruar të mos shkonte puna deri këtu te dhuna. Nuk i kam qejf këto, djegjet dhe këto, gjykoj që nuk i bëjnë mirë, i shfrytëzon ai Edi Rama më shumë, por me sa duket, pa dhunë në njëfarë mënyrë nuk paska atë sukses që duhet të ketë. Sot kanë dalë pedagogët dhe studentët, e shoh si pozitive, që mund të dalë edhe qyteti. Pasi kur ka dhunë nuk del qyteti. Më pëlqeu ideja që ditën e shtunë të bëjmë një masive atje", deklaroi Shehi.

Ish-deputeti u bëri thirrje qytetarëve të Tiranës që t'i bashkohen protestës së paralajmëruar për të shtunën, duke theksuar se pjesëmarrja masive është më e rëndësishme sesa përplesjet me policinë.

"I ftoj qytetarët e Tiranës të dalin, uroj që deri atë ditë të mos ketë aspekte dhunë. Kur të kuptojnë që nuk e duan masivisht këtë person, ndoshta pastaj edhe nëpër rrethe do të marrin ndonjë dorë. Ndoshta edhe opinioni ndërkombëtar e ka kuptuar se ditët e këtij kanë marrë fund", u shpreh ai.

Duke komentuar përpjekjen e Ramës për dialog me studentët, Shehi ka mbëngul se kërkesat e tyre për kushte më të mira nuk mund të ndahen nga pakënaqësia më e gjerë ndaj qeverisë. Sipas tij, kufizimi i debatit vetëm te problemet e universiteteve do ta zhvishte protestën nga përbajtja e saj politike.

"Ne po themi studentëve, por e gjithë kjo punë nuk është çështje vetëm studentësh. Studentët bëjnë vetëm, bëjnë mirë që kërkojnë interesat e veta, kushtet. Kjo është demonstrim i shqiptarëve të pakënaqur kundër qeverisë së vet. Por ta reduktojmë siç do Edi Rama që do të negociojmë me studentët, këto muhabete nuk kanë vlerë. Protesta është politike. E ka thelbin politik, nuk është për kushte dhe batanije. Kushti i parë, të ikë kryeministri. Nëse e zhveshim nga aspekti politik, është si të thuash qeverisë, ky ishte një hall i vogël", tha Shehi.

Ai shtoi se pakënaqësia nuk drejtohet vetëm ndaj një ministri apo një vendimi të qeverisë, por edhe ndaj mënyrës se si funksionon sistemi politik. Në këtë kuadër, ish-deputeti ka kërkuar zgjedhje të reja, ndryshimin e ligjit zgjedhor dhe rishikimin e Kushtetutës.

"Kjo është kundër kësaj qeverie, kundër këtij ministri. Falë Zotit edhe kundër këtij sistemi politik. Duam zgjedhje të reja, por me ligj të ri zgjedhor. Nuk duam më këtë Kushtetutë. Kanë artikuluar teza që bëjnë sikur nuk i dëgjojnë", deklaroi ai.

Në fund, Shehi iu rikthye dhunës gjatë protestave, duke argumentuar se përplesjet në rrugë mund t'i shërbejnë politikisht qeverisë dhe t'i largojnë qytetarët nga demonstratat. Ai e mbylli ndërrhyrjen me një kritikë drejtpërdrejtë ndaj mënyrës se si Rama ka propozuar dialogun.

"Nuk më pëlqen çmimi i dhunës, pasi shpeshherë shkon edhe në favor të qeverisë, bizneset kanë hallet e veta, qeveria e ekzagjeron pjesën e dëmit. Nuk ka nevojë për dhunë, por për masivitet. Nuk rrëzohet qeveria me guerrile urbane. Nuk ka ndodhur në vend tjetër. Uroj që deri të shtunën të ketë zgjidhje, ndërrhyrje, por jo talljen që bëri ai sot, dialogu me ca karrige, pse çfarë është ajo Estrada e Gramshit? Kujton se janë budallenj shqiptarë, por këto gjëra ia thonë ata idiotët që ka vërdallë", përfundoi Shehi.