46-vjeçari dyshohet t’i ketë dhënë fund jetës, policia: Në vendngjarje u gjet pistoleta dhe një gëzhojë

Policia e Tiranës ka dalë me një njoftim për një ngjarje të ndodhur në Komunën e Parisit, ku një 46-vjeçar është gjetur i pajetë në makinën e tij. Sipas policisë, Ismet Habili, dyshohet të ketë vrarë veten me pistoletë. Në vendngjarje u gjet arma e zjarrit dhe një gëzhojë. "Në vijim të informacionit të dhënë pak më parë, për ngjarjen e ndodhur në rrugën "Mihal Popi", ku u gjet pa shenja jete, brenda automjetit, shtetasi I. H., ju bemë me dije se: Gjatë kontrollit në automjet, u gjetën dhe u sekuestruan një armë zjarri pistoletë dhe një gëzhojë. Nga veprimet e para hetimore dhe procedurale të kryera, dyshohet se shtetasi I. H., 46 vjeç, mund të jetë vetëvrasës", thotë policia. Grupi hetimor, nën drejtimin e Prokurorisë, vijon punën për dokumentimin e plotë të rastit.