Albpetrol shpall fituesin e ankandit për shitjen e 101.4 mijë ton naftë
Kompania shtetërore Albpetrol ka shpallur fitues bashkimin e operatorëve ekonomikë "Europetrol Durrës Albania" dhe "Bitex Refinery" në ankandin për shitjen e 101.4 mijë ton naftë bruto. Vlera e përllogaritur e kontratës arrin në 5.57 miliard lekë, ose rreth 61.4 milion euro.
Albpetrol ka shpallur fitues bashkimin e operatorëve ekonomikë "Europetrol Durrës Albania" dhe "Bitex Refinery" në ankandin për shitjen e 101.4 mijë ton naftë bruto. Vlera e përllogaritur e kontratës arrin në 5.57 miliard lekë, ose rreth 61.4 milion euro. Fituesit duhet të paraqesin një sigurim kontrate prej 557.3 milion lekësh, që përfaqëson 10% të vlerës së përllogaritur të kontratës. Shuma përfaqëson vlerën e përllogaritur të të ardhurave nga ankandi dhe jo një shumë tashmë të arkëtuar. Vlera përfundimtare e shitjes do të përcaktohet nga çmimet ndërkombëtare të naftës gjatë periudhës së zbatimit të kontratës.