Protestuesi refuzon takimin me Rama: Nuk ka dialog me kriminelë!
Protestuesi i refuzon takimin me kryeministren Edi Rama dhe e kërkon dorëheqjen e menjëhershme të tij, duke e akuzuar për dhunën ndaj të rinjve gjatë protestave në Tiranë.
Një qytetar që i është bashkuar protestës kundër qeverisë në Tiranë ka refuzuar thirrjen e kryeministrit Edi Rama për dialog, duke kërkuar dorëheqjen e menjëhershme të tij. Protestuesi ka shpërthyer në akuza të ashpra ndaj kreut të qeverisë, të cilin e bën përgjegjës për dhunën e ushtruar ndaj të rinjve gjatë protestave të ditëve të fundit në kryeqytet. Ai deklaroi se rrugët e Tiranës janë përgjakur nga dhuna ndaj protestuesve, ndërsa përdori edhe një krahasim me dhunën e ushtruar ndaj shqiptarëve të Kosovës nga forcat serbe. “Rama ka hyrë në gjak me shqiptarët. Tërë rrugicat e Tiranës i ka mbushur me gjak të rinjsh. As serbët nuk ua kanë bërë kosovarëve këtë”, u shpreh qytetari. Duke folur edhe në cilësinë e një prindi, protestuesi theksoi se nuk është dakord me zhvillimin e asnjë dialogu me kryeministrin, duke këmbëngulur se e vetmja zgjidhje është largimi i tij nga pushteti. “Nuk bëhet dialog me një kriminel. Si prind nuk jam dakord për dialog. Rama të japë dorëheqjen e të hapë krahun”, deklaroi ai.