Khvicha Kvaratskhelia ka këputur ligamentin e kryqëzuar dhe do të nënshtrohet një ndërhyrjeje kirurgjikale
Sulmuesi i PSG-s, Khvicha Kvaratskhelia, ka këputur ligamentin e kryqëzuar dhe do të nënshtrohet një ndërhyrjeje kirurgjikale. Kjo është një goditje e rëndë për skuadrën e Luis Enrique, e cila po përballet me një situatë të vështirë për gjendjen fizike të disa prej lojtarëve të saj kryesorë.
Sulmuesi gjeorgjian u detyrua të largohej nga fusha pas rreth një ore loje në përballjen e së martës, ndërsa ekzaminimet mjekësore konfirmuan dëmtimin e rëndë. Problemet nuk përfundojnë këtu për skuadrën e Luis Enrique. Ousmane Dembélé ka pësuar një dëmtim në kofshën e majtë, ndërsa kapiteni Marquinhos ka dëmtuar kofshën e djathtë. Sipas njoftimit të klubit, të dy lojtarët do të vijojnë trajtimin mjekësor për disa javë të ardhshme. Kështu, pas suksesit të rendësishëm ndaj Barcelonës, PSG-ja përballet me një situatë të vështirë për gjendjen fizike të disa prej lojtarëve të saj.