Filmi "Agia" i regjisorit Lorin Terezi shpallet filmi më i mirë në Festivalin e Varshavës
Filmi shqiptar "Agia" i regjisorit Lorin Terezi është vlerësuar me çmimin e filmit më i mirë në Konkursin 1-2 të Festivalit Ndërkombëtar të Filmit në Varshavë, duke shënuar një sukses të rendesishëm për kinematografinë shqiptare në arenën ndërkombëtare.
Filmi "Agia" është një histori për lirinë dhe përplasjen me traditën. Historia e një vajze të re që përpjek të fitojë lirinë dhe pavarësinë e saj në Shqipërinë e viteve '90, në një shoqëri të kushtëzuar nga normat e forta tradicionale. Përmes kësaj historie, filmi trajton përplasjen mes dëshirës për të zgjedhur vetë rrugën e jetës dhe kufizimeve që imponon mjedisi shoqëror. Tema e tij vendos në qendër përpjekjen për emancipim dhe të drejën e individit për të vendosur mbi të ardhmen e vet.
Në kastin e filmit interpretojnë Kosovare Krasniqi, Lurni Krasniqi, Afrim Muçaj, Luan Jaha, Lulzim Zeqja dhe Luiza Xhuvani, emra që sjellin në jetë personazhet e kësaj historie të vendosur në një periudhë me ndryshime të forta shoqërore. Çmimi në Varshavë vendos "Agia"-n mes produksioneve që kanë tërhequr vëmendjen e profesionistëve të kinemasë ndërkombëtare dhe i shton një tjetër sukses përfaqësimin shqiptar në festivalet e rendesishme të filmit.