Zelensky pranon ngrirjen e luftës në frontin ukrainas-rus

Presidenti ukrainas Volodymyr Zelensky ka shfaqur një qëndrim më lëshues lidhur me kushtet që mund të hapnin shpërblimin negociatave të paqes me Rusinë. Ai deklaroi se mund të pranonte një "ngrirje" të luftës në vijat aktuale të frontit, duke lenë nën kontrollin rus territoret që Moska zotëron aktualisht, ndërkohë që negociatat do të vazhdonin.

Zelensky u pyet nëse do të pranonte një marrëveshje paqeje që do ta ngrinte gjithçka ashtu siç është tani, me Ukrainën që do të ruante 75% ose më shumë të territorit të saj. "Po", u përgjigj Zelensky. "Në këtë moment duhet ta ngrijmë situatën dhe mendoj se kjo është mënyra realiste për të dhënë fund kësaj lufte".

Zelensky shtoi se një ndërprerje e tillë e luftimeve do të përbënte vetëm hapin e parë dhe se çdo marrëveshje duhet të shoqërohej me garanci të forta sigurie, për të parandaluar mundësinë që Rusia ta rifillojë luftën.

"Kjo është, natyrisht, kërkesa minimale që kemi sot ndaj Rusisë", deklaroi ai. "Më pas do të drejtohemi presidentit dhe evropianëve për të kërkuar garanci sigurie".

Zelensky shtoi se gjëja më e rëndësishme është paqja, por edhe siguria e paqes. "Nuk duhet të ekzistojë frika se pushtimi do të rikthehet, se agresioni do të përsëritet apo se vrasjet do të rifillojnë. Duhet të i japim fund kësaj dhe për këto arsye kemi nevojë për ngrirjen e luftimeve dhe për bisedime".

Presidenti ukrainas shtoi se Kievi do të kërkojë "garanci sigurie nga Shtetet e Bashkuara", por edhe për mbështetjen e partnerëve të tij për rindërtimin dhe rimëkëmbjen e vendit.