Sulmet ruse ndaj Kievit pak orë pas bisedimeve për paqe

Sulmet ruse ndaj Kievit kanë shkaktuar viktima dhe plagë, duke theksuar se qëndrimi i Rusisë ndaj luftës nuk ka ndryshuar. Presidenti ukrainas, Volodymyr Zelensky, ka kritikuar Moskën dhe ka kërkuar presion më të madh ndërkombëtar ndaj Kremlinit dhe dërgimin e shpejtë të raketave për mbrojtjen ajrore të Ukrainës.

Sipas Forcave Ajrore ukrainase, asnjëra prej raketave balistike që goditën Kievin nuk u interceptua. Ndërkohë, në kryeqytet vijuan alarmet ajrore për shkak të paralajmërimeve për sulme të tjera të mundshme.

Sulmet ruse kanë goditur edhe qytetin e Lozoves, në rajonin e Harkivit, ku të paktën dy persona u vrane dhe dhjetëra të tjerë u plagosën nga një goditje ndaj tregut qendror, në një kohë kur qytetarët po bënë pazaret.

Bisedimet e paqes dhe qëndrimet e Moskës

Sipas analizës së CNN, zhvillimet ushtarake erdhën pas një takimi treorësh mes presidentit rus Vladimir Putin dhe të dërguarit të posaçëm të presidentit amerikan Donald Trump, Steve Witkoff, në Shën Petersburg.

Sipas ndihmësit të Putinit, Yuri Ushakov, Moska është e gatshme të diskutojë rifillimin e negociatave trepalëshe me Ukrainën dhe Shtetet e Bashkuara pas 10 nëntorit. Një takim i mundshëm mund të zhvillohet në Abu Dhabi, në Emiratet e Bashkuara Arabe.

Presidenti amerikan Donald Trump deklaroi se administrata e tij është e pranë se kurrë arritjes së një marrëveshjeje për përfundimin e luftës. Megjithatë, mbeten të paqarta mundësitë për një marrëveshje konkrete, pasi Rusia vazhdon të kërkojë leshime territoriale nga Ukraina, përfshirë të gjithë rajonin e Donbasit, si dhe kufizime të ndjeshme për ushtrinë ukrainase dhe një angazhim që vendi të mos anëtarësohet në NATO.