"Berisha: Edi Rama ka një plan për të destabilizuar vendin dhe fajësojë studentët për këtë"

Kryetari i Partisë Demokratike, Sali Berisha, u drejtua përsëri qytetarëve shqiptarë që të dalin në mbështetje të studentëve dhe të rinjve, që kanë hyrë në ditën e 9-të të protesteve të tyre. Me anë të një video mesazhi, lideri i opozitës shqiptare, akuzon Edi Ramën se është duke thurur një plan për të destabilizuar Shqipërinë dhe fajësojë studentët për këtë.

Ai ka denoncuar edhe bandidët me maska që dalin nga zyrat e Ministrisë së Brendshme dhe infiltrohen mes protestuesve me qëllim që ti ndalojnë dhe arrestojnë ata.

Berisha ka thënë se Edi Rama ka një plan diabolik për të destabilizuar vendin dhe fajësojë studentët për këtë, duke synuar të bëjë krime, vrasje dhe të fajësoj studentët për to. Ai ka thënë se kjo u duk qartë dje, kur një grup personash me dopio maska u filmuan duke dalë nga Ministria e Brendshme me fytyrë të mbuluar me maskë të zeza, por dhe me maskën tjetër duke thirrur "Rama në burg" me qëllime për të mësyre, sulmuar bizneset private dhe realizuar krime të tjera ndaj protestuesve që tu faturohen studentëve.

Berisha ka thënë se ftoj qytetarët të bashkohen sot me studentët, si e vetmja mënyrë për të ndarë sa më shpejt me Padrinon dhe narkoshtetin e tij. Ai ka thënë se zgjidhja për të qetësuar tensionet, zgjidhja për të kthyer stabilitetin dhe normalitetin në vend, zgjidhja për të kthyer rendin dhe sigurinë, dhe zgjidhja për të shpëtuar Shqipërinë është një dhe vetëm një: dorëheqja e menjëherë e Edi Ramës.