Berisha: Rama ka plan diabolik për destabilizimin e Shqipërisë

Kryetari i Partisë Demokratike, Sali Berisha, u drejtoi përsëri qytetarëve shqiptarëve me një videomesazh në ditën e 9-të të protesteve të studentëve. Në fjalën e tij, Berisha akuzoi kryeministrin Edi Rama se është duke thurur një plan për të destabilizuar Shqipërinë, me një platformë që të fajësojë studentët dhe që shqiptarët të kthehen kundra tyre.

Berisha tha se hipokrizia dhe cinizmi i Edi Ramës vazhdon, vetëm pak pasi ai zhyti Tiranën nën terrorin e mercenarëve të paguar. Ai përdori bomba shurdhuese dhe breshëritë e plumbave të gomës duke çarë barkun dhe shpuar kafkën e studentëve heronj.

Edi Rama vazhdon hipokrizinë dhe cinizmin e tij ekstrem duke ftuar studentët në dialog, por kësaj here nuk vendosi karrige luksi, por plastike të teneqeje. Berisha e përsëriti se Edi Rama duhet të jep dorëheqjen menjëherë, pasi vetëm dorëheqja e fut vendin në shinat e normalitetit.

Berisha akuzoi Edi Ramën për të krijuar një plan diabolik për të destabilizuar vendin, duke fajësuar studentët për këtë destabilizim dhe duke ruajtur karrigen e tij, pushtetin e tij të krimit. Ai tha se një grup personash me dopio maska ishin filmuar duke dalë nga Ministria e Brendshme me fytyrë të mbuluar me maskë të zeza, por dhe me maskën tjetër duke thirrur "Rama në burg" me qëllime për të mësyre, sulmuar bizneset private dhe realizuar krime të tjera ndaj protestuesve që u faturohen studentëve.

Berisha ftoi qytetarët të bashkohen me studentët sot për të ndarë sa më shpejt me Padrinon dhe narkoshtetin e tij. Ai tha se Partia Demokratike garanton çdo protestues, student apo qytetar se me largimin e Padrinos nga pushteti, çdo dhunues i tyre do të ndëshkohet në përpjetë me ligjet me të rrepta, dhe çdo protestues do të dekorohet dhe do të demshpërblehet 100% për demet që ka pësuar dhe dënimet e pamërtuara që ka marrë.