Daja bëhet "divë e futbollit" në festën e 60-vjetorit të tij

Trajneri i Dinamos, Ilir Daja, festoi 60 vjet dhe në një moment të emocionuar, ai e cilësoi këngëtaren Irma Libohova si "divë e futbollit", por më pas e korektua veten duke thënë se ishte "divë e muzikës". Daja kujtoi kohën kur ata rrinin në radhë për të siguruar bileta, në mënyrë që të ndiqnin nga afër performancat e Irma Libohovës dhe Erandës. Por, teksa fliste për këngëtaren e mirënjohur, ai e cilësoi gabimisht si një nga “divat e futbollit”, përpara se të korrigjonte veten dhe të thoshte “divat e muzikës”. Një ngatërresë e vogël, që u shoqërua me të qeshura dhe që tregoi edhe një herë se futbolli është pjesë e pandashme e jetës së trajnerit. Meqë ishte dita e tij, Daja nuk la pa përfshirë në festë edhe lojtarët. Ai u kërkoi të këndonin të gjithë, pavarësisht aftësive muzikore, duke pranuar me humor se edhe vetë mund të ishte një “stonator”. “Unë dua, çuna, që pavarësisht se janë si puna ime, që mund të jenë stonaturë, duhet të këndojnë. Kush nuk do të marrë pjesë, le të shkojë të flejë gjumë”, u shpreh Daja, duke e kthyer festën në një lloj prove muzikore për skuadrën e tij. Por paralajmërimi i trajnerit shkoi edhe më tej. Me humorin që e karakterizonte në atë moment, ai deklaroi se do të dilte vetë i pari për të kënduar, pasi nuk besonte se dikush mund të stonoste më shumë se ai. Ndërsa për ata që do të refuzonin të merrnin pjesë, vendosi edhe “dënimin”: jo vetëm që nuk do të luanin më, por nuk do të lejoheshin as të hynin në stadium për të ndjekur ndeshjen, duke u detyruar ta shihnin nga jashtë. Kështu, në një mbrëmje të mbushur me emocione dhe miqësi, Ilir Daja arriti të ndërthurte futbollin me muzikën, duke dëshmuar se edhe në ditëlindjen e tij nuk e harron rolin e trajnerit. Këtë herë, për të fituar vendin në formacion, lojtarëve të Dinamos u duhet të provojnë veten edhe me mikrofonin në dorë!