Witkoff e quan Putinin humanitar për lirimin e mësuesit amerikan
Negociatori i presidentit Trump, Steve Witkoff, ka vlerësuar rolin e Vladimir Putinit në lirimin e një ish-mësuesi amerikan nga Rusia.
Gjatë një takimi me presidentin rus, Witkoff e falenderoi Putinin për lirimin e shtetasit amerikan, duke theksuar se ai do të mund të ribashkohej me familjen e tij. "Falësh, ai do të kthehet në shtëpi pranë familjes së tij", deklaroi Witkoff. Më tej, i dërguari amerikan e cilësoi presidentin rus si një njeri humanitar. "Ju flisni kaq shumë për presidentin tim, Donald Trump, si një humanitar. Edhe ju jeni një humanitar, zotëri", u shpreh ai. Deklaratat e Witkoff-it vijnë në një kohë kur demokratët amerikanë po akuzojnë administratën Trump se po ndjek një politikë me të butë ndaj Moskës. Kritikët e presidentit amerikan e kanë akuzuar Putinin për vrasjen e civilëve ukrainas gjatë luftës, ndërsa komentet e Witkoff-it mund të shkaktojnë reagime në Kiev.