Rama emëron dy zv/ministra të rinj në qeverinë e tij

Këshilli i Ministrave ka miratuar emërimin e dy zëvendësministrave të rinj në Ministrinë e Shëndetësisë dhe Mirëqenies Sociale dhe në Ministrinë për Evropën dhe Punët e Jashtme. Qeveria ka vendosur emërimin e Anila Rexhepi në postin e zëvendësministres së Shëndetësisë dhe Mirëqenies Sociale, ndërsa Kevin Bufi është emëruar zëvendësministër për Evropën dhe Punët e Jashtme. Të dy vendimet janë marra me propozim të kryeministrit Edi Rama dhe hyjnë në fuqi menjëherë, ndërsa do të botohen në Fletoren Zyrtare.