Rusia zhvillon luftë hibride psikologjike kundër Evropës

Eksperti Ledion Krisafi ka komentuar strategjinë e Rusisë ndaj vendeve evropiane, duke përmendur se Bashkimi Evropian po ndërgjegjësohet për mënyrën se si Rusia mund të shfrytëzojë zhvillimet e brendshme politike dhe sociale të vendeve evropiane për të krijuar destabilitet.

Sipas Krisafit, propaganda ruse në rrjetet sociale është zgjeruar, ndërsa një pjesë e përdoruesve nuk arrijnë të identifikojnë origjinën dhe qëllimin e përmbajtjeve që shpërndahen në internet. Ai përmendi Francën si një nga vendet ku ka një numër i madh llogarish në rrjetet sociale me lidhje me Rusinë.

Krisafi argumentoi se Moska synon të shfrytëzojë protestat dhe pakënaqësitë ekzistuese, duke nxitur elementë që mund të kontribuojnë në krijimin e kaosit. Ai tha se pamjet e protestave dhe tensioneve të ditëve të fundit në Francë dhe Britani mund të krijojnë perceptimin e një situate shumë më të rëndë, duke ndikuar në mënyrën se si qytetarët e perceptojnë stabilitetin e vendeve të tyre.

Krisafi tha se BE tani ka filluar të kuptojë se çfarë mund të bëjë Rusia dhe se Rusia është në një moment industrial të veprimit sa i përket rrjeteve sociale. Ai tha se Rusia po mundohet të mundë kundërshtarin në këtë rast Evropën, psikologjikisht, duke shohur një Evropë që deri diku është e demoralizuar dhe po mundohet të gjejë zgjidhje.