Trajneri i Aarhusit: Nesër duam vetëm fitore, japim maksimumin

Trajneri i Aarhusit, Jakob Poulsen, ka folur njeje prag te perballjes me Egnatian ne Conference League, duke e cilësuar fitoren ndaj kampionëve shqiptarë si një objektiv të rendesishëm për skuadrën e tij.

Tekniku danez pranoi se nuk ka shumë informacione për Egnatian, por theksoi se barazimi 1-1 ndaj Midtjyllandit dëshmon cilësinë e ekipit shqiptar. Megjithatë, Poulsen nuk la vend për dyshime sa i përket objektivit të Aarhusit.

“Kjo është padyshim një nga ndeshjet që kemi në kalendar dhe për të cilën kemi thënë se duam të marrim tri pika. Nuk është një skuadër që e njohim shumë mirë, por sigurisht që e respektojmë. Fakti që barazoi 1-1 me Midtjyllandin tregon se ka cilësi. Megjithatë, jemi plotësisht të vetëdijshëm se, nëse duam të vazhdojmë përpara, duhet të marrim tri pika nesër. Pas kësaj ndeshjeje na mbeten edhe katër takime të tjera, por një fitore do të na vendoste në një pozicion shumë të mirë. Kjo është ajo që shpresojmë dhe për të cilën do të luftojmë 100 për qind. Natyrisht, asgjë nuk përfundon nëse marrim një barazim, por objektivi ynë është i qartë: duam tri pika”, deklaroi Poulsen.

Deklarata e trajnerit danez tregon se Aarhusi e konsideron përballjen me Egnatian një mundësi të rendesishme për të përmirësuar pozitat në Conference League, pavarësisht respektit për rezultatin që skuadra shqiptare arriti ndaj Midtjyllandit.