Aktualitet
Reshjet e dendura të shiut vështirësojnë qarkullimin në Vlorë
Reshjet e dendura të shiut kanë shkaktuar probleme me përmbytjet në disa lagje dhe rrugë të Vlorës, duke vështirësuar qarkullimin. Turistët argëtohen me ujërat e grumbulluara në rrugë.
Rreth mesantës reshjet e dendura të shiut që zgjatën për afro dy orë kanë shkaktuar probleme me përmbytjet në disa lagje dhe rrugë të qytetit të Vlorës. Prania e ujit në rrugë ka vështirësuar përkohësisht qarkullimin.
Ndërkohë, punonjësit e Ujësjellës-Kanalizimeve kanë punuar gjatë gjithë natës për largimin e ujit nga zonat e prekura. Falë ndërhypjes së tyre, në orët e paradites sotme uji është tërhequr nga rrugët, ndërsa qarkullimi për automjetet dhe qytetarët në zonat e prekura është normalizuar.