Këlliçi: Shteti është kapur nga pushteti dhe dënojmë dhunën shtazarake

Nën-kryetari i PD-së, Belind Këlliçi, gjatë fjalës së tij në Kuvend ka deklaruar se grupi parlamentar i PD-së do të dënojë ashpër dhunën shtazarake dhe shantazhin e kryeministrit ndaj studentëve. Ai ka thënë se sot është dita e 10 që Shqipëria po përjeton lëvizjen me të fuqishme studentore dhe se shteti është kapur nga pushteti absolut i Ramës. Këlliçi ka thënë se kjo lëvizje është revolte ndaj modelit të krijuar nga Rama që po e largon Shqipërinë nga e ardhmja europiane dhe se grupi parlamentar i PD do të mbetet në krah të studentëve dhe çdo qytetari që proteston për dinjitet.