Përplasjet në Kuvend: Fidel Kreka godet Ervin Hoxhën me kartonin e votimit

Përplasjet në Kuvend kanë agravuar konfliktin fizik mes deputetëve të Partisë Demokratike dhe atyre të Partisë Socialiste. Në një moment, deputeti demokrat Fidel Kreka ka goditur me kartonin e votimit dhe më pas ka shtyrë ish-ministrin e Brendshëm, Ervin Hoxha, duke u përplasur fizikisht me të.

Menjëherë pas këtij momenti, në konflikt janë përfshirë edhe deputetë të tjerë nga të dyja palët, duke shkaktuar kaos dhe përplasje në sallën e Kuvendit. Tensionet nisën që në momentet e para të seancës plenare, kur deputetët e opozitës bllokuan foltoren dhe u morën deputetëve socialistë kartonet e votimit gjatë procesit të votimit të rendit të ditës.