Rama kritikon mediat për pasqyrimin e protestave në Shqipëri

Kryeministri Edi Rama ka reaguar përmes një postimi në rrjetet sociale lidhur me protestat e dhunshme në Shqipëri. Ai ka kritikuar ashpër pasqyrimin e tyre nga mediat dhe ka mbrojtur veprimet e Policisë shtetërore. Rama pretendon se një pjesë e mediave kanë paraqitur një realitet të shtrembëruar të ngjarjeve, ndërsa thekson se protestuesit e përfshirë në akte dhune nuk përfaqësojnë studentët dhe shqetësimet e tyre.

Rama ka thënë se në Shqipëri ka më shumë policë të plagosur se sa protestues, ndërsa në vendet tjera demokratike, kjo raporti është i kundërtë. Ai ka thënë se Policia e Shtetit ka qenë në lartësinë e detyrës dhe nuk ka lënë asnjëherë dhunën e pësuar që ta nxjerrë atë nga binarët e misionit të saj demokratik.

Rama ka bërë thirrje për protesta paqësore dhe ka nënvizuar se problematikat duhet të adresohen përmes dialogut dhe angazhimit të përbashkët. Ai ka thënë se studentët e vërtetë janë ata që duan ta sfidojnë politikën dhe qeverinë pa ngritur dorën kundër pronës publike dhe private, duke treguar me gjisht plagët që kërkojnë shërim me dialog dhe angazhim të përbashkët.