Studentët e Mjekësisë bashkohen me protestën e të rinjve kundër qeverisë

Studentët dhe pedagogët kanë dalë në protestë për të dhjetën ditë radhazi, duke vijuar tubimet kundër qeverisë së kryeministrit Edi Rama. Protesta e sotme është bashkuar edhe me studentët e Universitetit të Mjekësisë, të cilët kanë vendosur të mbështesin kërkesat e të rinjve për dorëheqjen e kryeministrit. Studentët dhe të rinjtë janë grumbulluar përpara godinës së Kuvendit, ku po zhvillohet protesta e tyre, ndërsa në të njëjten kohë, brenda Parlamentit po mbahet seanca plenare. Punimet e Kuvendit janë shoqëruar me tensione dhe përplasje verbale mes deputetëve të mazhorancës dhe opozitës, ndërsa jashtë godinës vijon protesta e studentëve. Pavarësisht tensioneve të krijuara gjatë seancës, deputetët e Partisë Socialiste kanë vijuar procedurat për votimin e përsheqituar të projektligjeve të përfshira në rendin e ditës. Protesta e studentëve dhe pedagogëve ka hyrë në ditën e saj të dhjetë, ndërsa kërkesa kryesore e pjesëmarrësve mbetet dorëheqja e kryeministrit Edi Rama.