Kancelari gjerman kërkon reforma të brendshme në Shqipëri për të hyrë në BE

Kancelari gjerman Friedrich Merz ka përcjellë një mesazh qartë për vendet e Ballkanit Perëndimor, duke kërkuar që dhuna dhe polarizimi mos kthehen në përgjigje ndaj krizave dhe sfidave politike. Ai ka theksuar se rruga drejt Bashkimit Evropian kërkon reforma konkrete, përgjegjësi politike dhe bashkëpunim të vazhdueshëm.

Merz ka thënë se ndryshimi duhet të vijë nga brenda vendit, dhe se reforma dhe progresi duhet të realizohen nga vetë vendi. "Ndryshimi duhet të vijë nga ju, nga brenda vendeve tuaja. Ne kërkojmë që vendet e Ballkanit të ulen në tryezë, por progresi dhe reforma duhet të realizohen nga vetë këto vende", ka thënë Merz.

Ai ka ndal edhe te protestat që po zhvillohen në vende të ndryshme, duke theksuar se ato duhet të shërbejnë si një sinjal për të vijuar procesin e zgjerimit të Bashkimit Evropian dhe jo si shkak për thellimin e përcarjeve. "Po shohim protestat që po zhvillohen kudo dhe këto protesta po na japin një mesazh të qartë. Ne duhet të vazhdojmë me zgjerimin e Bashkimit Evropian. Dhuna nuk duhet të jetë përgjigja dhe nuk duhet të lejohet. Duhet të jemi kundër ndarjeve dhe polarizimit. Nuk duhet të hedhim më shumë benzinë në zjarrin e përcarjeve. Nuk duhet të lejojmë që ai të kalojë përmes Evropës", ka thënë Merz.

Merz ka vlerësuar gjithashtu bashkëpunimin rajonal në kuadër të Procesit të Berlinit, duke nenvizuar se integrimi evropian nuk mund të arrihet pa reforma të qëndrueshme, angazhim politik dhe marrëdhënie të mira mes vendeve të rajonit.