Bayern Munich përfiton 250 milionë euro, Viessmann blen aksione dhe klubi vlerësohet 5 miliardë!
Bayern Munich ka siguruar një injektim të rendesishëm financiar prej 250 milionë eurosh, pasi Viessmann Generations Group ka blerë një pjesë të aksioneve të kompanisë që administron aktivitetin profesional të klubit bavarez.
Gjiganti gjerman shet një pjesë të aksioneve të kompanisë së investimeve të familjes Viessmann, duke forcuar financat e klubit. Pavarësisht marrëveshjes, 70% e aksioneve do të mbeten në pronësi të shoqatës së Bayernit.
Viessmann Generations Group do të blejë fillimisht 5% të aksioneve të FC Bayern München AG, përpara se pjesëmarrja e saj të arrijë në 6.7% përmes një rritjeje të kapitalit. Bazuar në vlerën e transaksionit, Bayern Munich vlerësohet në rreth 5 miliardë euro.
Kjo është marrëveshja më e madhe e këtij lloji në historinë e klubit, ndërsa të ardhurat do të forcojnë rezervat financiare dhe pavarësinë ekonomike të Bayernit. Fondet do të përdoren kryesisht për projekte që lidhen me qëndrueshmërinë, ndërkombëtarizimin dhe dixhitalizimin.
Presidenti Herbert Hainer deklaroi se ky hap forcon strukturën e pronësisë së FC Bayern München AG dhe se Bayern Munich synon të forcojë bazën financiare dhe kapacitetin e tij për të investuar në zhvillimin afatgjatë, pa humbur kontrollin mbi klubin.