Peshëngritësi Erkand Qerimaj në SPAK, arsyeja e paraqitjes së tij në Prokurorinë e Posaçme

Peshëngritësi shqiptar Erkand Qerimaj është paraqitur në Prokurorinë e Posaçme, duke ngritur pikëpyetje lidhur me arsyet e vizitës së tij në SPAK. Në një prononcim për mediat, sportisti ka sqaruar se paraqitja e tij nuk lidhet me ndonjë hetim ndaj tij, por me një kallëzim që ka vendosur të bëjë pranë organit të akuzës. "Nuk kam fletëthirrje, po bëj kallëzim", është shprehur shkurtimisht Qerimaj. Sipas informacioneve të raportuara, kallëzim i sportistit lidhet me presidentin e Federatës Shqiptare të Peshëngritjes, Elez Gjoza. Marrëdhëniet mes Qerimajt dhe Gjozës janë shoqëruar edhe me përplasje dhe akuza publike. Peshëngritësi ka ngritur në të kaluarën pretendime për shkelje të ndryshme dhe abuzime me fondet në Federatën Shqiptare të Peshëngritjes.