Gjykata e Tiranës liron 8 të mitur të arrestuar gjatë protestave

Gjykata e Tiranës ka vendosur lirimin e tetë të mitur të arrestuar gjatë protestave të ditëve të fundit, pasi ka vlerësuar se arrestimet e tyre ishin të paligjshme. Vendimi është marrë pas shqyrtimit gjyqësor i rasteve, duke u dhënë mundësinë të miturve të largohen të lirë nga ambientet e paraburgimit.

Ndërkohë, gjatë tubimeve të zhvilluara ditët e fundit, Policia e Shtetit ka arrestuar edhe disa protestues të tjerë, të cilët janë paraqitur para gjykatës për vlerësimin e arrestimeve dhe caktimin e masave të sigurisë.

Sipas vendimeve të dhënë deri më tani, për disa prej të arrestuarve janë vendosur masat “detyrim paraqitjeje” dhe “arrest në shtëpi”, ndërsa vetëm ndaj një personi është caktuar masa “arrest në burg”.

Vendimi për të tetë të mitur është pjesë e shqyrtimit të arrestimeve të kryera gjatë protestave, të cilat kanë vijuar ditët e fundit.