Qeveria miraton shpërblimet për policët/ Mbi 2800 efektivë marrin nga 270 mijë lekë

Qeveria ka miratuar vendimin për të shpërbluar mbi 2800 efektivë të Policisë shtetërore për angazhimin e tyre në garantimin e rendit dhe të sigurisë publike gjatë protestave. Nga përllogaritja e fondit total në raport me numrin e përfituesve, rezulton një mesatare prej rreth 269 mijë lekësh për çdo efektiv. Përmes këtij vendimi, qeveria parashikon të shpërblejë efektivët për angazhimin e tyre në menaxhimin e protestave dhe për garantimin e sigurisë gjatë zhvillimit të tyre. Drejtoria e Përgjithshme e Policisë shtetërore do të përcaktoj listën emërore të punonjësve të policisë përfitues bazuar në dokumentacion dhe do të kryej procedurat për dhënien e shpërblimit. Në buxhetin e Ministrisë së Punëve të Brendshme, shtohet fondi prej 740 milionë lekësh i cili do të përdoret për shpërblimin e efektivëve që kanë qenë të angazhuar në protestë.