Koçeku: Rama përdor shifra jashtë kontekstit për të mbështetur argumentin e tij

Deputetja e pavarur Marjana Koçeku ka reaguar ndaj tabelës së publikuar nga kryeministri Edi Rama, duke akuzuar se ai përdor shifra jashtë kontekstit për të mbështetur argumentin e tij lidhur me protestat e studentëve në Shqipëri. Sipas Koçekut, krahasimi i paraqitur nga kreu i qeverisë nuk shoqërohet me të dhëna të mjaftueshme për të kuptuar rrethanat e ngjarjeve. Ajo tha se shifrat e përdorura nga Rama u referohen protestave të zhvilluara në Evropë gjatë viteve 2010-2019, pa specifikuar ngjarjet konkrete apo kontekstin e tyre.

Në reagimin e saj, Koçeku akuzoi kryeministrin se po përdor shifra jashtë kontekstit për të mbështetur argumentin e tij lidhur me protestat e studentëve në Shqipëri. Ajo theksoi se të dhënat statistikore nuk mund të shërbejnë si argument pa informacion mbi periudhën, rrethanat dhe natyrën e protestave.

Kryeministri Edi Rama nuk dha fakte kur foli për protestën e studentëve, por u dha municion militantëve të tij. Ai krahasoi protestat e sotme me ngjarjet e viteve 2010-2019 në Evropë, pa kontekst, pa periudhë të sakta, pa të thënë çka ka ndodhur realisht. Një numër pa kontekst nuk ka si me qenë argument, por spekulim. Studentët nuk kërkojnë shumë. Thjesht kërkojnë një qeveri që nuk i gënjen. Një qeveri që nuk i rrah. Një qeveri që paratë e dijes nuk i çon për të shpërblye ata që i rrahin. Një qeveri demokratike i jep llogari rinisë. Nuk e mbulon dhunën me statistika.