Airbnb ndryshon rregullat për vizitorët e banesave të qira
Kompania Airbnb ka vendosur kufizime të reja për detyrat që pronarët mund t’u kërkojnë vizitorëve para largimit nga banesat e marra me qira. Pronarët nuk mund të kërkojnë detyra që kërkojnë shumë kohë ose përpjekje, apo që zakonisht kryhen nga personeli i pastrimit.
Airbnb ka vendosur kufizime të reja për detyrat që pronarët mund t’u kërkojnë vizitorëve para largimit nga banesat e marra me qira. Sipas rregullave të reja, mysafirët që paguajnë tarifë pastrimi nuk duhet të detyrohen të kryejnë punë që zakonisht u takojnë pastruesve, si larja dhe sistemimi i enëve apo heqja e çarçafëve nga shtretërit. Rregullat e përditësuara do të zbatohen për të gjitha rezervimet e kryera në platformë nga data 20 nëntor.
Rregullat e banesave do të shfaqen më dukshëm në platformë dhe do të përfshihen edhe në kujtesat që u dërgohen vizitorëve për rezervimet e tyre. Megjithatë, do të lejohen disa përjashtime. Për shembull, në zonat që përballen me thatësirë dhe kufizime të furnizimit me ujë, pronarëve mund t’u lejohet t’u kërkojnë vizitorëve të kufizojë kohën e qëndrimit në dush.
Kontratat shtesë do të lejohen vetëm në rrethana të kufizuara, përfshirë rastet kur ato kërkohen nga ligji ose nga rregullat e shoqatave të pronarëve të banesave. Airbnb sqaroi gjithashtu se pronarët nuk do të mund të vendosin gjoba ndaj vizitorëve, por do të vazhdojnë të kenë të drejtë të përcaktojnë rregullat e banesave dhe kërkesat e tyre, brenda kufijve të politikave të platformës.