Leli Kaja shpëton burgut me masë të sigurimit "Arrest në shtëpi"

Leli Kaja ka dalë para gjykatës Bib Ndreca, duke mos u mbrojtur nga avokati i zgjedhur, pasi për shkak të gjendjes së bojkotit, avokati nuk ishte paraqitur në seancën gjyqësore për caktimin e masës së sigurisë. Kaja ka argumentuar se nuk ishte dakord që të mbrohet me mbrojtës të caktuar, pasi kishte vite që punonte dhe nuk kishte pasur asnjë problematikë të tillë në marrëdhëniet e punës, kishte nënën shumë të sëmurë dhe vajzën që do të fillonte fakultetin. Gjykata ka konsideruar se në rastin konkret të arrestimit të Leli Kajës, ka prova dhe indicje të mjaftueshme për të mbështetur dyshimin e arsyeshëm mbi kryerjen e veprës penale dhe mbi autorësinë e saj. Sidoqoftë, gjykata ka vendosur se masa më e përshtatshme në rastin konkret është ajo e "Arrest në shtëpi". Gjykata ka marrë parasysh gjendjen familjare të personit nën hetim dhe gjendjen shëndetësore të nënës së tij. Në këtë rast, gjykata ka vendosur që Leli Kaja të qëndrojë në banesën e tij dhe të mos kontaktojë me persona të tjerë me përjashtim të atyre me të cilët jetojnë në të njëjtin banesë.