SHBA akuzon Rusinë për një veprim të rrezikshëm në satelitin ushtarak
Shtetet e Bashkuara akuzuan Rusinë për një veprim të rrezikshëm në një satelit ushtarak, duke e cilësuar atë si "qëllimisht të pamatur". Rusia iu përgjigj duke e cilësuar pretendimet amerikane si "absurde" dhe duke akuzuar Uashingtonin për "ambiciet e veta agresive ushtarake në hapësirë".
Zyrtarët amerikanë akuzuan publikisht Rusinë se ka kërcënuar një satelit komercial, që operohet nga Finlanda dhe i cili ofron imazhe dhe informacione të inteligjencës për Ukrainën dhe vende të tjera. Sateliti rus, Kosmos-2612, u afrua "në mënyrë të rrezikshme" satelitit ICEYE-X36, i cili është i regjistruar në Shtetet e Bashkuara dhe operohet nga kompania finlandeze ICEYE.
"Akuzimet amerikane janë absurde dhe përfaqëson një përpjekje për të mbuluar ambiciet e veta agresive ushtarake në hapësirë", tha përfaqësuesi i Rusisë në një takim në Nju Jork të Komitetit të Parë të OKB-së.
Ky nuk ishte një afrim rutinë apo një 'kalim pranë', tha për Radion Evropa e Lirë LeoLabs, një kompani e inteligjencës hapësinore. "Sjellja përkon me operacione të sofistikuara të takimit dhe afrimit në hapësirë".
Sateliti ICEYE-X36 është i pajisur me teknologji radari që mundëson mbledhjen e imazheve të detajuara të sipërfaqes së Tokës, edhe nëse ka re. Në janar, kompania finlandeze nënshkroi një kontratë me Ministrinë e Mbrojtjes së Ukrainës për ofrimin e informacioneve të inteligjencës.
Zyrtarët amerikanë thanë se vendimi për të ndërmarrë këto veprime ishte qëllimisht i pamatur dhe se ky veprim duket se përkon me një operacion të përdorimit të armëve në orbitë.