Putin pretendon se Ukraina Lindore është tokë historikisht ruse, Zelensky kërkon bisedime paqeje
Presidenti rus Vladimir Putin ka deklaruar se territoret e Ukrainës Lindore janë tokë historikisht ruse, ndërsa presidenti ukrainas Volodymyr Zelensky ka shprehur gatishmerinë e Kievit për të marrë pjesë në bisedime paqeje.
Presidenti rus Vladimir Putin ka deklaruar se territoret e Ukrainës Lindore janë tokë historikisht ruse, ndërsa presidenti ukrainas Volodymyr Zelensky ka shprehur gatishmerinë e Kievit për të marrë pjesë në bisedime paqeje.
Deklarata e Putinit vjen në një moment kur përpjekjet diplomatike për të dhënë fund luftës vijojnë, ndërsa Kremlini kërkon që negociatat e ardhshme të përfshijnë garanci sigurie si për Rusinë, ashtu edhe për Ukrainën, si dhe çështje më të gjera të sigurisë evropiane.
Sipas raportimeve nga mediat e huaja, presidenti ukrainas Volodymyr Zelensky ka shprehur gatishmerinë e Kievit për të marrë pjesë në bisedime paqeje gjatë samitit të G20 në Shtetet e Bashkuara, por ka bërë të ditur se ende nuk ka marrë një ftesë zyrtare. Ai theksoi se përfundimi i luftës kërkon presion ndaj Moskës dhe shprehu shpresën për një takim të mundshëm me ndërmjetësimin e presidentit amerikan Donald Trump. Zelensky foli gjithashtu për problemet me shërbimin Starlink në Ukrainë, duke paralajmëruar se synon ta diskutojë çështjen me sekretarin amerikan të Shtetit, Marco Rubio.