Trump kërkon Musk të rikthejë sistemin satelitor "Starlink" në Ukrainë

Presidenti amerikan Donald Trump ka telefonuar me sipërmarrësin Elon Musk dhe i ka kërkuar atij të heqë kufizimet për shpejtësinë e sistemit satelitor "Starlink" në Ukrainë, sipas zyrtarëve amerikanë të cituar nga media prestigjoze "Wall Street Journal".

Sistemi satelitor po funksiononte me shpejtësi më të lartë menjëherë pas bisedës së dy burrave, por funksionimi i tij nuk është rivendosur plotësisht, sipas zyrtarëve ukrainas.

Trump shpreh pakënaqësinë e tij për kufizimet, të cilat kanë bërë që disa dronë sulmues dhe interceptorë ukrainas të mos jenë në gjendje të qëndrojnë të lidhur me rrjetin kur lëvizin me shpejtësi të lartë.

Zyrtarët ukrainas kanë paralajmëruar se kufizimet do të kushtojnë jetë njerëzish. Biseda u zhvillua pasi Musk kishte urdhëruar që sistemi të "ngadalësohej". Megjithatë, mbetet e paqartë nëse ai veproi me iniciativën e tij apo me urdhrin e qeverisë amerikane.