Revolta studentore në Francë: 217 persona në burg, 2,700 të arrestuar

Protestat studentore në Francë kanë shkaktuar dhunë dhe plaçkitje në disa qytete franceze, duke rezultuar në arrestimin e rreth 2,700 personave dhe burgosjen e 217 të tyre. Ministri i Drejtësisë, Gérald Darmanin, e cilësoi reagimin e autoriteteve si të jashtëzakonshëm, duke theksuar se një pjesë e konsiderueshme e të arrestuarve nuk kishin pasur më parë probleme me drejtësinë.

Shumica e të përfshirëve janë të rinj meshkuj të moshës 18 deri në 25 vjeç. Përplasjet dhe aktet e vandalizmit kanë prekur disa qytete franceze, përfshirë Parisin, ku mijëra biznese u demtuan ose u plaçkitën.

Presidenti Emmanuel Macron ka akuzuar grupe të ekstremit të majtë për përpjekje për të destabilizuar rendin demokratik, ndërsa autoritetet po perërgatiten për protesta të reja gjatë fundjavës. Në kuadër të masave të sigurisë, panairi ndërkombëtar i artit bashkëkohor Art Basel Paris ka vendosur të mbyllë edicionin e këtij vitit dy ditë më herët nga sa ishte planifikuar, për të mbrojtur vizitorët, ekspozuesit dhe veprat e artit.