Mijëra qytetarë në Beograd në mbështetje të studentëve, Vuçiçi përballet me sfidën më të madhe politike

Mijëra qytetarë janë mbledhur në Beograd në mbështetje të lëvizjes studentore, në prag të zgjedhjeve parlamentare në Serbi, të cilat zhvillohen në një klimë të fortë polarizimi politik. Lëvizja, e cila prej vitit 2024 organizon protesta kundër korrupsionit, po sfidon pushtetin e Aleksandar Vuçiçit.

Lëvizja studentore ka organizuar protesta kundër korrupsionit dhe po sfidon pushtetin e Aleksandar Vuçiçit. Sondazhet e publikuara gjatë fushatës tregojnë një garë të ngushtë mes lëvizjes dhe forcave politike në pushtet. Vuçiçi ka cilësuar mobilizimet studentore si një përpjekje të nxitur nga shërbime të huaja për të rrëzuar qeverinë, ndërsa organizatat shoqërore civile kanë ngritur shqetësimet për intimidimin e aktivistëve, arrestimet dhe përdorimin e burimeve publike në favor të partive në pushtet.

Procesi zgjedhor pritet të ndiqet nga vëzhgues të Bashkimit Evropian, OSBE-së dhe Këshillit Evropian në një klimë ku akuzat për parregullsi dhe mundësinë e kontestimit të rezultatit kanë shtuar tensionet politike në vend.