Pedagogët sërish në protestë në mbështetje të studentëve

Pedagogët kanë denoncuar dhunën policore ndaj studentëve gjatë ditëve të fundit të protestave dhe kanë shprehur shqetësimin për mënyrën se si është menaxhuar situata. Ata kanë ndërmarrë një nismë për peticion, duke bërë thirrje që zëri dhe kërkesat e studentëve të degjohen.

Më herët, sindikata e pedagogëve ka reaguar publikisht për situatën e krijuar gjatë protestave studentore, duke shprehur shqetësimin për zhvillimet dhe duke denoncuar atë që e konsideron si dhunë policore ndaj protestuesve.

Zanafilla e protestës studentore nuk ishte një shpërthim i rastësishëm. Ajo erdhi si rezultat i një pakënaqësie të akumuluar prej kohësh nga të rinjtë, të cilët kanë protestuar për kohësh, por zëri i tyre me protesta paqësore nuk u degjua.

Diskutimet për tarifat e studimit, cilësinë e mësimdhënies dhe kushtet nëpër konvikte kanë qenë në qendër të ankesave për kohësh, por siç duket qeveria nuk mendonte se kjo do shpërthente në një lëvizje masive dhe këmbëngulëse. Dita e parë e protestës nisi me modesti, në dukje si një grumbullim i zakonshëm.

Një grup i vogël studentësh, të lodhur nga premtimet e pambajtura dhe nga "mbyllja e veshëve" nga institucionet, u mblodhën te Ministria e Arsimit. Me thirrje dhe pankarta të improvizuara, ata shprehën indignjen e tyre. Por ajo që filloi si një zë i vetmuar, shumë shpejt gjeti jehonë. Lajmi u përhap shpejt në rrjetet sociale, duke frymëzuar qindra të tjerë të bashkoheshin.

Brenda disa orësh, numri i protestuesve u rrit ndjeshëm, duke bllokuar qarkullimin në rrugën kryesore dhe duke "shpërthyer" në protesta me revolta të mendha. Të revoltuar, studentët nisën t'i vinin flakën institucioneve shtetërore dhe bankave. Nënderkohë, që tubimet vijonin ato nuk e kanë ndaluar në asnjë moment thirrjen "Rama jepe dorëheqjen".