Tërmeti i fuqishëm në Tibet: 16 të vdekur dhe 32 të plagosur

Tërmeti u regjistrua në orën 22:33 lokale në provincën malore Nagqu, në veri të Tibetit. Epiqendra ndodhej rreth 400 kilometra larg Lhasës, kryeqytetit të rajonit, dhe thellësia e lëkundjeve ishte vetëm 10 kilometra. Pas tërmetit, banorët u detyruan të largoheshin me shpejtësi nga banesat e tyre dhe të kërkojnë strehim në hapësira të hapura dhe në makinat e parkuara.

Ky është tërmeti më i fuqishëm i regjistruar në Kinë që nga janari i vitit 2024. Autoritetet lokale kanë raportuar për 16 viktima, 32 të plagosur dhe qindra banesa të shkatërruara. Ngjarja ka rikthyer kujtimet e tërmetit shkatërrues që goditi qarkun Yushu në vitin 2010, i cili shkaktoi të paktën 2,698 viktima dhe la rreth 300 persona të zhdukur.