Prerja masive e pishave në Korçë për ndërtimin e Liceut Francez

Prerja masive e pishave ka nisur në ambientet e Fakultetit të Shkencave të Natyrës në Korçë, duke ngritur shqetësime për ndërhyrjen në hapësirat e gjelbra të qytetit. Shkak për këtë ndërhyrje është bërë nisja e zbatimit të projektit për ndërtimin e Liceut Francez, i cili po realizohet nga Fondi Shqiptar i Zhvillimit. Pamjet nga terreni tregojnë pemët e prera, ndërsa situata ngre pikëpyetje mbi ndikimin e projektit në mjedis dhe të ardhmen e hapësirave të gjelbra në këtë zonë të qytetit.