Tërmeti me magnitudë 5.0 godet Italinë dhe evakuojnë gjykatën në Trapani
Tërmeti me magnitudë 5.0 goditi Siçilinë në Itali dhe u ndje në Palermo, Katania dhe Ishujt Eolianë. U regjistruan tre lëkundje të tjera pasuese, duke përfshirë një tërmet me magnitudë 4.0 dhe një tjetër me magnitudë 4.3.
Një tërmet me magnitudë 5.0 goditi Siçilinë në Itali, duke u ndjerë nga Palermo në Katania dhe deri në Ishujt Eolianë. Lëkundja më e fortë u regjistrua në orën 12:19, me epiqendër në Detin Tirren jugor, në veriperëndim të Ishujve Eolianë, pranë ishullit Alicudi.
Pas tërmetit kryesor, në të njëjtën zonë u regjistruan edhe tre lëkundje të tjera, përfshirë një tërmet me magnitudë 4.0 në orën 12:24 dhe një tjetër me magnitudë 4.3. Gjithashtu, një lëkundje me magnitudë 3.6 ishte regjistruar gjatë natës, në orën 01:56.
Sipas Institutit Kombëtar të Gjeofizikës dhe Vullkanologjisë (INGV), tërmeti më i fortë u ndje qartë në Palermo, ku qytetarët dolën në rrugë, përfshirë punonjësit në selinë e Departamentit Rajonal të Çështjeve Familjare.
Lëkundjet u ndjenë edhe në Trapani, ku pas tërmetit të orës 12:19 u evakuua gjykata. Deri më tani, nuk ka raportime për dëme materiale apo persona të lënduar.