Aktualitet
NUMËRIMI MBRAPSHT KA NISUR! BBVK5 ZBULON DATËN E MADHE
Big Brother VIP Kosova 5 po bëhet gati të rikthehet në ekran dhe pritja e gjatë po i vjen fundi. Reality show që çdo sezon tërheq vëmendjen e publikut shqiptar do të nisë zyrtarisht më 30 tetor.
Lajmin e ka bërë të ditur moderatori i këtij formati, Alaudin Hamiti, duke konfirmuar kështu rikthimin e një prej spektakleve më të komentuara në Kosovë dhe më gjerë. Edhe këtë sezon priten emocione të forta, surpriza, dinamika të papritura dhe personazhe që mund të kthehen shpejt në kryefjalën e rrjeteve sociale. Tashmë, fansat kanë nisur numërimin mbrapsht, ndërsa mbetet për t’u zbuluar se cilët do të jenë banorët që do të hyjnë në shtëpinë më të famshme dhe çfarë do të sjellë ky edicion i ri.