Trajneri i Bayernit dërgohet në spital pas infeksionit viral

Trajneri belg është transferuar në një spital në Mynih pas disa ditësh me probleme shëndetësore. Sipas BILD, ai vuante nga një infeksion viral dhe arsyeja e saktë e shtrimit në spital nuk është bërë ende e ditur. Gjendja e trajnerit 40-vjeçar është shqetësuar dhe ai nuk ka qenë në gjendje të drejtojë disa seanca stërvitore në fillim të javës. Pavarësisht kësaj, ai u rikthye në stol për ndeshjen e Champions League kundër Arsenalit, e cila përfundoi në barazim 2-2. Kompany ka pranuar se kishte vazhduar të punonte edhe kur gjendja e tij shëndetësore nuk ishte e mirë. "Si trajner, gjithmonë deshiroj të bëj gjithçka dhe të arrish gjithçka. Javën e kaluar u infektova me një virus i keq dhe, sigurisht, nuk e degjova trupin tim. Erdhi një moment kur trupi im me tha: 'Ndalo tani!'", ka thënë ai. Për momentin, nuk ka të dhëna të konfirmuara për arsyen e sakte të transferimit të tij në spital apo për kohën e rikuperimit. Gjendja e trajnerit pritet të sqarohet nga klubi ose nga informacione të tjera të konfirmuara mjekësore.